• ఉద్యోగాలు వచ్చినా, రాని పోస్టింగ్స్
• వ్యవసాయ పనులకు వెళుతున్న అరుణ
• ట్విట్టర్ లో మండిపడిన రేవంత్ రెడ్డి

ఎంతో కష్టపడి చదివి, ఉద్యోగాలు తెచ్చుకుని కూడా, పోస్టింగ్ లు రాని వారు తెలంగాణలో ఎందరో ఉన్నా రని ఆరోపిస్తూ, “నిజాలు..నియామకాలు… అంటూ కాంగ్రెస్ వర్కింగ్ ప్రెసిడెంట్ రేవంత్ రెడ్డి తన ట్విట్టర్ ఖాతాలో ఓ పోస్టును పెట్టగా, అదిప్పుడు వైరల్ అవుతోంది. డిప్యూటీ తహసీల్దారుగా ఎంపికైన కరీంనగర్ జిల్లా జమ్మికుంట మండలానికి చెందిన అరుణ, ఇప్పటికీ పోస్టింగ్ రాక, ఇల్లు గడవడం కోసం వ్యవసా య పనులకు వెళుతుండగా, ఓ దినపత్రిక ఈ విషయమై ప్రత్యేక కథనాన్ని ప్రచురించింది.ఎంపికై ఏడు నెలలు గడుస్తున్నా, ఇంకా తనకు పోస్టింగ్ ఇవ్వలేదని, గ్రూప్-2 ఉద్యోగం కోసం తాను ఎంతో శ్రమించాన ని అరుణ వాపోగా, ఆ కథనాన్ని ట్వీట్ చేస్తూ, “బిడ్డకు” ఉద్యోగం” కల్పించడంలో  ఉన్న  ఆతృత…మా “తెలంగాణ ఆడబిడ్డ” పై  లేదా… ” అంటూ తెలంగాణ సీఎంఓను ట్యాగ్ చేస్తూ రేవంత్ రెడ్డి ప్రశ్నించారు.

Share this:

నిర్భయ చట్టం ఉన్నా.. దిశ చట్టం వచ్చినా.. కామాంధుల తీరులో మాత్రం ఎలాంటి మార్పు రావట్లేదు. నిత్యం దేశంలో ఎక్కడో ఓ చోట అత్యాచార ఘటనలు జరుగుతూనే ఉన్నాయి. తాజాగా నేషనల్ క్రైం రికార్డ్స్ బ్యూరో(NCRB) విడుదల చేసిన నివేదికలో విస్తుపోయే నిజాలు బయటపడ్డాయి. మహిళలకు, బాలికలకు దేశంలోని ఏ రాష్ట్రమూ సురక్షితం కాదని ఎన్‌సీఆర్‌బీ స్పష్టం చేసింది. 2018తో పోలిస్తే 2019లో మహిళలపై నేరాలు 7.3 శాతం గణనీయంగా పెరిగాయని.. 4,05,861 కేసులు నమోదైనట్లు నివేదిక పేర్కొంది.భారత్‌లో ప్రతి 16 నిమిషాలకు ఒక అత్యాచారం జరుగుతోందని.. 2019లో దేశవ్యాప్తంగా 32,033 రేప్ కేసులు నమోదైతే అందులో 11% దళిత వర్గాలలోనే జరిగాయని నేషనల్ క్రైమ్ రికార్డ్స్ బ్యూరో(NCRB) వెల్లడించింది. అటు నేరాల్లో ఉత్తరప్రదేశ్, రాజస్థాన్ రాష్ట్రాలు మొదటి రెండు స్థానాల్లో ఉన్నాయని తెలిపింది. 2019లో రాజస్థాన్‌లో 5,997 రేప్ కేసులు నమోదు కాగా.. అందులో 1313 కేసులు మైనర్ బాలికలపై జరిగిన దాడులుగా నివేదిక వెల్లడించింది. అలాగే ఉత్తరప్రదేశ్‌లో 3,065 రేప్ కేసులు నమోదయ్యాయి. ఇక 2020 ఆగష్టు వరకు రాజస్థాన్‌లో 3498 కేసులు నమోదైనట్లు తెలుస్తోంది. మరోవైపు 2018తో పోలిస్తే 2019లో కిడ్నాపింగ్ కేసులు 0.7 శాతం తగ్గినట్లు నివేదిక వెల్లడించింది. 2018లో 1,05,734 కేసులు నమోదు కాగా.. 2019లో మొత్తంగా 1,05,037 కేసులు నమోదయ్యాయి.కాగా, యావత్ దేశాన్నే కదిలించి వేసిన నిర్భయ, దిశ సంఘటనలు..ప్రస్తుతం మరో సంచలనంగా మారి రాజకీయంగానూ ప్రకంపనలు రేపుతున్న హత్రాస్ సంఘటనలు మహిళల రక్షణకే పెను సవాల్‌గా మారాయి. ఇటువంటి దారుణాలు జరిగిన వెంటనే ప్రభుత్వాలు, రక్షణ వ్యవస్థలు త్వరగా స్పందించి, నేరస్తులకు తగిన శిక్షలు విధించాల్సిన అవసరం ఎంతైనా ఉంది. ఇలాంటి ఘటనలు మళ్లీ పునరావృత్తం కాకుండా ఉండేందుకు కఠినమైన చట్టాలు రావాల్సి ఉందంటూ ప్రజా సంఘాలు, మహిళా సంఘాలు డిమాండ్ చేస్తున్నాయి.

Share this:

• పలు పర్వదినాలతో అక్టోబర్
• సగం రోజులు మాత్రమే పనిచేయనున్న బ్యాంకులు
• ఏటీఎంలు పనిచేస్తాయన్న బ్యాంకులు

అక్టోబర్ నెలలో 14 రోజుల పాటు బ్యాంకులకు సెలవులు రానున్నాయి. ఈ నెలలో 31 రోజులు ఉండటం, రెండు శనివారాలు, ఆదివారాలతో పాటు దసరా, మిలాద్ ఉన్ నబీ, మహాత్మా గాంధీ జయంతి, సర్దార్ పటేల్ జయంతి, చెల్లమ్ తదితర సెలవులు కూడా ఉన్నాయి. దీంతో మొత్తం మీద దాదాపు సగం రోజుల పాటు మాత్రమే బ్యాం కులు తెరచుకుని ఉంటాయి.రిజర్వ్ బ్యాంక్ ఆఫ్ ఇండియా, తన వెబ్ సైట్ లో వెలువ రించిన సమాచారం మేరకు బ్యాంకులకు సెలవుల జాబితాలో గాంధీ జయంతి, దసరాకు రెండు రోజులు, మిలాద్ ఉన్ నబీ సెలవులు ఉన్నాయి. ఈ నెలలో 4, 11, 18, 25 తేదీల్లో ఆదివారాలు, 10, 24 తేదీల్లో రెండు, నాలుగో శనివారాలు వచ్చాయి. దీంతో దాదాపు సంగం రోజుల పాటు బ్యాంకులు పనిచేసే పరిస్థితి లేదు.అయితే చెల్లమ్, మిలాద్ ఉన్ నబీకి కొన్ని రాష్ట్రాల్లోనే బ్యాంకులు పనిచేయవు. ఆ రాష్ట్రాల్లో మాత్రం ఈ నెలలో 12 సెలవులు ఉన్నట్టు. ఇంకొన్ని రాష్ట్రాల్లో దసరాకు ముందు వచ్చే మహా సప్తమికి కూడా సెలవు వర్తించనుంది. (ఇది తెలంగాణలో బతుకమ్మ నిమజ్జనం) దీంతో ఆ రాష్ట్రాల్లో 15 రోజుల సెలవులు రానున్నాయి. తెలంగాణలో బతుకమ్మ నిమజ్జనం సందర్భంగా బ్యాంకులకు సెలవుపై స్పష్టత లేదు.కాగా, రెండు వరుస సెలవులు ఎప్పుడు వచ్చినా, ఏటీఎంలలో ముందుగానే డబ్బులు నింపి ఉంచుతామని పలు బ్యాంకుల యాజమాన్యాలు ఇప్పటికే స్పష్టం చేశాయి. అయితే, చెక్కులకు సంబంధించిన లావాదేవీల ప్రాసెసింగ్ నిలిచిపోతుందని, ఇదే సమయం లో ఆన్ లైన్ ట్రాన్సాక్షన్స్ కు ఏ విధమైన అడ్డంకులు ఏర్పడబోవని వెల్లడించాయి. ఈ విషయాన్ని గమనించి, సెలవులను చూసుకుని కస్టమర్లు తమతమ లావాదేవీలను పూర్తి చేసుకోవాలని బ్యాంకులు సూచించాయి.

Share this: