రాష్ట్రంలో సోమవారం 1,550 కరోనా పాజిటివ్‌ కేసులు నిర్ధారణ అయినట్లు వైద్య, ఆరోగ్యశాఖ తెలిపింది. ఇందులో ఒక్క గ్రేటర్‌ హైదరాబాద్‌ మున్సిపల్‌ కార్పొరేషన్‌ పరిధిలోనే 926 నమోదయ్యాయి. ఇప్పటి వరకు రాష్ట్రంలో 36,221 కరోనా పాజిటివ్‌ కేసులు నిర్ధారణ కాగా, వైరస్‌ ప్రభావంతో ఇవాళ 9మంది మృతి చెందగా, మొత్తం మరణించిన వారి సంఖ్య 365కు చేరింది. ఇవాళ 1197మంది వైరస్‌ నుంచి కోలుకొని ఇళ్లకు వెళ్లగా, మొత్తం 23,679 మంది డిశ్చార్జి అయ్యారు. మరో 12,178మంది మంది దవాఖానల్లో చికిత్స పొందుతున్నారు. సోమవారం11,525 మందికి కొవిడ్‌-19 పరీక్షలు చేయగా, ఇప్పటి వరకు 1,81,849 మందికి టెస్టులు చేసినట్లు పేర్కొంది. 

Share this:

జనసేన పార్టీ అధ్యక్షులు పవన్ కల్యాణ్ పిలుపు మేరకు మరియు తెలంగాణ రాష్ట్ర ఇంచార్జి నేమూరి శంకర్ గౌడ్ ఆదేశాల మేరకు మహబూబ్ నగర్ జిల్లా లో జనసేన పార్టీ పార్లమెంటరి ఎగ్జిక్యూటివ్ కమిటీ సభ్యులు ఎం.డి అష్రఫ్ ఆధ్వర్యంలో తెలంగాణ రాష్ట్రంలోని అన్ని జిల్లా కలెక్టర్ కార్యాలయంలో కలెక్టర్ల కు వినతి పత్రం సమర్పించడం లో భాగంగా మహబూబ్ నగర్ జిల్లా కలెక్టర్ కార్యాలయంలో తెల్ల రేషన్ కార్డుల గురించి అప్లై చేసుకున్న అర్హు లైన వారికి తెల్ల రేషన్ కార్డు మంజూరు చేయాలని కోరారు.అలాగే నిరుపేదలందరికీ రేషన్ సరుకులు సకాలంలో అందచేయాలని జనసేన పార్టీ ఆధ్వర్యం లో కలెక్టర్ కార్యాలయంలో పరిపాలన అధికారి ప్రేమ్ రాజ్ కు వినతిపత్రం సమర్పించడం జరిగిందని అష్రఫ్ తెలిపారు. నరేంద్ర మోడీ ప్రవేశపెట్టిన వన్ నేషన్ వన్ రేషన్ అనే విధానాన్ని తీసుకొస్తామని దేశమంతా ఏకీకృత రేషన్ విధానం అవలంబిస్తామని చెప్పడం తో ఇపుడు రాష్ట్ర ప్రభుత్వం నూతన లబ్దిదారులతో కూడిన జాబితాను ఆ పధకం కిందకు తీసుకువెళ్లేలా చూడాలని,దీనివల్ల ఏ పేదవారు కూడా ఆకలితో ఇబ్బంది పడకూడదని జనసేన పార్టీ తరుపున కలెక్టర్ కు వినతి పత్రంలో విన్నవించుకోవడం జరిగిందని తెలిపారు. ఈ కార్యక్రమంలో మహబూబ్ నగర్ జిల్లా నాయకులు అజయ్, శ్రీకాంత్, శ్రీకృష్ణ, రామకృష్ణ, లక్ష్మీనారాయణ, కొండల్, గిరి, శ్రీను, శివ, కుమార్, ప్రవీణ్, తో పాటు తదితరులు పాల్గొన్నారు…

Share this:

కరోనా నివారణ అనేది కేవలం ప్రభుత్వ సంబంధమైన విషయం కాదని మంత్రి కేటీఆర్‌ అన్నారు. కరోనా విషయంలోనూ విపక్షాలు రాజకీయం చేస్తున్నాయని విమర్శించారు. కరోనాను పూర్తిగా నివారించిన రాష్ట్రం ఏదో చెప్పాలని ప్రతిపక్షాలను ప్రశ్నించారు. కరోనా కేసుల్లో భారత్‌ మూడో స్థానంలో ఉన్నదని, ఇది ప్రధాని మోదీ వైఫల్యంగా భావించాలా అని పేర్కొన్నారు. మహబూబ్‌నగర్‌ జిల్లా కేంద్రంలో కొత్తగా నిర్మించిన ప్రభుత్వ వైద్య కళాశాలను మంత్రులు ఈటల రాజేందర్‌, శ్రీనివాస్‌ గౌడ్‌తో కలిసి కేటీఆర్‌ ప్రారం భించారు. ప్రపంచమంతా కరోనా గుప్పిట్లో చిక్కుకుందని వెల్లడించారు. ప్రాణాలకు ఎదురొడ్డి కరోనాకు చికిత్స అందిస్తున్న వైద్యులకు ధన్యవాదాలు తెలిపారు. ప్రత్యేక రాష్ట్ర సాధనతోనే ఐదు జిల్లాల్లో మెడికల్‌ కాలేజీలను ఏర్పాటు చేసుకోగలిగామని అన్నారు. ఐదు వైద్య కళాశాలల్లో దాదాపు వెయ్యి పడకలు అందుబాటులో ఉన్నాయన్నారు. కేసీఆర్‌ కిట్‌ వల్ల ప్రభుత్వ దవాఖానల్లో ప్రసవాలు పెరిగాయని, మాతా శిశు మరణాల రేటు తగ్గిందని చెప్పారు. కంటి వెలుగు పథకం కింద గ్రామాల్లోనే కోట్ల మందికి వైద్య పరీక్షలు నిర్వహించామని చెప్పారు.

ప్రజలను భయపెట్టొద్దు

ప్రభుత్వ వైద్య వ్యవస్థపై ఇంకా నమ్మకం పెంచాల్సిన అవసరం ఉందన్నారు. కరోనాకు చికిత్స అందిం చేందుకు ప్రైవేటు దవాఖానలు భయపడుతున్నాయని చెప్పారు. ప్రభుత్వ వైద్యులు మాత్రం భయప డకుండా రోగులను చేర్చుకుంటున్నారని వెల్లడించారు. కుటుంబ సభ్యులు కూడా కరోనా బాధితుడి వ ద్దకు వెళ్లేందుకు భయపడుతున్నారని, ప్రాణాలకు తెగించి ప్రభుత్వ వైద్య సిబ్బంది సేవలు అందిస్తు న్నారని చెప్పారు. చిన్నచిన్న పొరపాట్లను పెద్దదిగా చూపించి ప్రజలను భయపెట్టొద్దని విజ్ఞప్తి చేశారు.

కరోనాకు ధనిక, పేద తేడాల్లేవు..

కరోనా బాధితులను వెలివేసినట్లు చూడటం సరికాదన్నారు. కరోనాకు పేద, ధనిక అనే తేడాలు లేవని, ఎవరికైనా రావచ్చని పేర్కొన్నారు.  కరోనా జాగ్రత్తలు తీసుకుంటూనే పనులు చేసుకోవాల్సిన పరిస్థితి ఉన్నదని చెప్పారు. రెండు శాతం మరణాలను చూపించి, 98 శాతం రికవరీలను చిన్నదిగా చూపొద్దని సూచించారు. భారత్‌లో తయారైన మందులు ప్రపంచానికి ఉపయోగపడుతున్నాయని తెలిపారు. ఫా ర్మా పరిశ్రమపై ప్రజల్లో అనవసర భయాందోళనలు సృష్టించవద్దని విజ్ఞప్తి చేశారు. విపక్షాలు నిర్మాణాత్మ క సూచనలు చేస్తే స్వీకరిస్తామని, అనవసర విమర్శలు చేసి వైద్య సిబ్బంది ైస్థెర్యాన్ని దెబ్బతీయోద్దని సూచించారు. పాలమూరు జిల్లాలో అతితక్కువ కాలంలోనే మార్పులు జరిగాయని చెప్పారు.

Share this: