Category: ఆంధ్రప్రదేశ్

• బలపడిన అల్పపీడనం
• 48 గంటల పాటు వర్ష సూచన
• హెచ్చరించిన వాతావరణ శాఖ

బంగాళాఖాతంలో ఏర్పడిన అల్పపీడనం బలపడటం, ఇదే సమయంలో ఛత్తీస్ గఢ్ నుంచి తెలంగాణ మీదుగా తమిళనాడు వరకూ ఉపరితల ఆవర్తన ద్రోణి విస్తరించడంతో తెలుగు రాష్ట్రాలను మబ్బులు క మ్మేశాయి.దీంతో నేటి సాయంత్రం నుంచి రానున్న 48 గంటల వరకూ పలు ప్రాంతాల్లో విస్తారంగా వర్షా లు కురుస్తాయని వాతావరణ శాఖ అధికారులు హెచ్చరించారు. దాదాపు అన్ని ప్రాంతాల్లో చిరు జల్లుల నుంచి ఓ మోస్తరు వర్షాలు కురుస్తాయని, కొన్ని ప్రాంతాల్లో ఉరుములు, మెరుపులతో కూడిన భారీ వర్షాలకు అవకాశం ఉందని హైదరాబాద్ వాతావరణ హెచ్చరికల కేంద్రం అధికారి ఒకరు తెలిపారు. గడచి న 24 గంటల వ్యవధిలో తెలుగు రాష్ట్రాల్లో ఒకటి రెండు ప్రాంతాల్లోనే వర్షపాతం నమోదైందని, రానున్న రెండు రోజుల్లో మాత్రం భారీ వర్షాలకు అవకాశం ఉందని అధికారులు అంటున్నారు. బంగాళాఖాతంలోని అల్పపీడనం వాయుగుండంగా మారే అవకాశాలు ఉన్నాయని, ప్రస్తుతం అది ఒడిశాకు తూర్పున కేంద్రీ కృతమై ఉందని తెలిపారు. దీని ప్రభావం తెలుగు రాష్ట్రాలతో పోలిస్తే, ఒడిశాపై అధికంగా ఉంటుందని, అయితే, ఉపరితల ద్రోణి కారణంగా ఏపీ, టీఎస్ లో వర్షాలు పడనున్నాయని హెచ్చరించారు.

• 30 వేల క్యూసెక్కులకు పడిపోయిన వరద
• అంతే మొత్తం నీరు దిగువకు
• సాగర్ కు చేరుకున్న 18 వేల క్యూసెక్కులు

కృష్ణా నదిలో కొనసాగుతున్న వరద ప్రవాహం క్రమంగా తగ్గుతూ ఉండటంతో శ్రీశైలం ప్రాజెక్టు గేట్లను అధికారులు మూసివేశారు. ప్రస్తుతం జలాశయంలోని 30 వేల క్యూసెక్కుల నీరు వస్తోందని, ఈ నీటిని వివిధ ఎత్తిపోతల పథకాలతో పాటు, జల విద్యుత్ ఉత్పత్తి కేంద్రం ద్వారా దిగువకు విడుదల చేస్తున్నామని అధికారులు వెల్లడించారు. మొత్తం 215 టీఎంసీల నీటి నిల్వ సామర్థ్యం ఉన్న ప్రాజెక్టులో ప్రస్తుతం 214 టీఎంసీల నీరుందని అన్నారు. కాగా, నాగార్జున సాగర్ జలాశయానికి 18 వేల క్యూసెక్కుల నీరు వస్తుండగా, ఆ నీటిని కుడి, ఎడమ కాలువల ద్వారా ఆయకట్టుకు వదులుతున్నారు.

• సత్యం గెలిచింది
• దేశంలోని ఎంతో గౌరవనీయులైన నాయకులపై కేసు
• చివరకు మూడు దశాబ్దాల తర్వాత తొలగిపోయింది
• ఈ తీర్పును ప్రతి ఒక్కరు స్వాగతించాలి

బాబ్రీ మసీదు కూల్చి వేత కేసులో 28 ఏళ్ల సుదీర్ఘ విచారణ తర్వాత లక్నోలోని సీబీఐ ప్రత్యేక న్యాయస్థా నం ఈ రోజు తీర్పు వెల్లడించిన విషయం తెలిసిందే. బీజేపీ సీనియర్ నేతలు అద్వానీ, మురళీ మనోహర్ జోషితో పాటు ఈ కేసులో నిందితులందరినీ కోర్టు నిర్దోషులుగా తేల్చడం పట్ల ఆ పార్టీ నేతలు హర్షం వ్య క్తం చేస్తున్నారు.’సత్యం గెలిచింది. బాబ్రీ కుట్రపూరిత కేసులో నిందితులుగా ఉన్న వారిని సీబీఐ ప్రత్యేక న్యాయస్థానం నిర్దోషులుగా ప్రకటించడంలో చాలా ఆలస్యం జరిగింది. దేశంలోని ఎంతో గౌరవనీయులైన కొందరు నాయకులపై కుట్రపూరితంగా పెట్టిన ఈ కేసు చివరకు మూడు దశాబ్దాల తర్వాత తొలగిపోయిం ది. ఈ తీర్పును ప్రతి ఒక్కరు స్వాగతించాలి’ అని బీజేపీ నేత రామ్ మాధవ్ పేర్కొన్నారు.

పోలీస్..మనకు ఏ కష్టం వచ్చినా వినిపించే పేరు. ఎన్ని కష్టాలు ఎదురైనా ఆ పోలీస్ మాత్రం విధి నిర్వహ ణలో వెెనకడుగు వెయ్యడు. వృత్తి ధర్మాన్ని విస్మరించడు. తాజాగా కృష్ణా జిల్లా  హనుమాన్ జంక్షన్ లో ఓ పోలీస్ కానిస్టేబుల్ అందుకు సాక్ష్యంగా నిలిచాడు. హనుమాన్ జంక్షన్ సర్కిల్ ఎప్పుడు ట్రాఫిక్ తో కిక్కిరిసి ఉంటుంది. అక్కడ డ్యూటీ చేసే పోలీసులు ఏ మాత్రం నిర్లక్ష్యంగా ఉన్నా, ట్రాఫిక్ కిలోమీటర్ల మేర నిలిచిపోతుంది. ఈ సర్కిల్ వద్ద కానిస్టేబుల్ దేవిశెట్టి శ్రీనివాస్ సెప్టెంబర్ 25 సాయంత్రం విధులు నిర్వహి స్తున్నారు. ఆ సమయంలో ఒక్కసారిగా ఉరుములు, మెరుపులతో భారీ వర్షం విరుచుకుపడింది. వర్షం పడితే ట్రాఫిక్ ఎలా ఉంటుందో మళ్లీ ప్రత్యేకించి చెప్పాల్సిన పనిలేదు. ఈ క్రమంలో జోరు వానలో తడు స్తూనే, వాహనాల రాకపోకలకు ఇబ్బంది లేకుండా ఎంతో నిబద్ధతతో కానిస్టేబుల్ శ్రీనివాస్ డ్యూటీ చేశా రు.కుండపోత వర్షాన్ని సైతం లెక్కచేయకుండా డ్యూటీలో నిమగ్నమై కానిస్టేబుల్ శ్రీనివాస్ చూపిన వృత్తి ధర్మానికి.. రాష్ట్ర హోం మాంత్రి మేకతోటి సుచరిత, డీజీపీ గౌతమ్ సవాంగ్ అభినందనలు తెలిపారు. ఈ క్రమంలో శనివారం జిల్లా ఎస్పీ ఎం రవీంద్రనాథ్ బాబు జిల్లా పోలీసు కార్యాలయంలో సదరు కానిస్టేబుల్ శ్రీనివాస్‌ను శాలువాతో సత్కరించి, తను చేసిన సేవకు ప్రోత్సాహకంగా నగదు రివార్డును అందజేసి అభినందించారు.

• వ్యవసాయ బిల్లుకు రాజ్యసభలో ఆమోదం
• అనుకూలంగా వ్యవహరించిన వైసీపీ
• బిల్లును వ్యతిరేకించిన టీఆర్ఎస్

కేంద్రం ప్రవేశపెట్టిన నూతన వ్యవసాయ చట్టం బిల్లుకు రాజ్యసభలో ఆమోదం లభించడం తెలిసిందే. ఈ బిల్లును ప్రధాన విపక్షం కాంగ్రెస్ వ్యతిరేకించింది. అంతేకాదు పలు ప్రాంతీయ పార్టీలు కూడా ఈ బిల్లుకు ఆమోదం తెలుపలేదు. ఈ కొత్త వ్యవసాయ చట్టం బిల్లు విషయంలో తెలుగు రాష్ట్రాల ప్రభుత్వాలు చెరో దారి అన్నట్టుగా వ్యవహరించాయి.ఏపీ అధికార పక్షం వైసీపీకి చెందిన రాజ్యసభ సభ్యులు వ్యవసాయ బిల్లుకు ఆమోదం తెలుపగా, తెలంగాణ అధికార పార్టీ టీఆర్ఎస్ కు చెందిన సభ్యులు మాత్రం వ్యతిరేకిం చారు. సీఎం కేసీఆర్ మొదటి నుంచి ఈ బిల్లు పట్ల విముఖత వ్యక్తం చేస్తుండగా, సీఎం జగన్ మాత్రం స్వాగతించారు. ఇక, ఏపీ విపక్షం టీడీపీ ఈ బిల్లు పట్ల సానుకూలంగా వ్యవహరించింది.ఇక, రాజ్యసభలో ఈ నూతన వ్యవసాయ చట్టం బిల్లు, దాని అనుబంధ బిల్లులపై చర్చ జరిగిన సందర్భంగా వైసీపీ ఎంపీ విజయసాయిరెడ్డి మాట్లాడారు. ఈ బిల్లుల ద్వారా రైతులకు నచ్చిన చోట పంట విక్రయించుకునే సౌలభ్యం కలుగుతుందని, రైతులకు గిట్టుబాటు ధర లభ్యమవుతుందని అన్నారు. ఈ బిల్లు వస్తే ముం దుగా నిర్ణయించుకున్న ధరకు రైతులు పంటను అమ్ముకునే వీలు కలుగుతుందని చెప్పారు. మధ్యవ ర్తుల ప్రమేయం తగ్గుతుందని విజయసాయి అభిప్రాయపడ్డారు.టీడీపీ రాజ్యసభ సభ్యుడు కనకమేడల రవీంద్రకుమార్ స్పందిస్తూ, ఈ బిల్లుపై అనేక సందేహాలు ఉన్నాయని, రైతుల్లోనూ ఆందోళన వ్యక్తమవు తోందని అన్నారు. బిల్లుపై మరింత స్పష్టత ఇవ్వాల్సి ఉందని చర్చ సందర్భంగా కేంద్రమంత్రిని కోరారు.

• సీఐతో ఉండవల్లి శ్రీదేవి వాగ్వాదం
• తన వారిని వదలట్లేదని ఆగ్రహం
• డీజీపీకి ఫిర్యాదు చేస్తానని హెచ్చరిక

వైఎస్ఆర్ కాంగ్రెస్ పార్టీకి చెందిన తాడికొండ ఎమ్మెల్యే ఉండవల్లి శ్రీదేవి, ఓ సీఐని దుర్భాషలాడినట్టు చెప్పబడుతున్న ఆడియో ఒకటి సోషల్ మీడియాలో వైరల్ అవుతోంది. “నీకేమైనా మెంటలా…” అం టూ “ఏరా” అని సంబోధిస్తూ… పోలీసు అధికారని కూడా చూడకుండా మాట్లాడారు. ‘ఎప్పటి నుంచి చె బుతున్నాను.. వాళ్లను పంపేయొచ్చుగా.. వాళ్లను పట్టుకున్న రోజునే నేను నీకు ఫోన్ చేశానా.. లేదా.. ఏం మాట్లాడుతున్నావ్.. నేనంటే గౌరవం లేదా.. అంటూ రెచ్చిపోయారు.’అందరినీ వదులుతున్నావు, నా కాళ్లు పట్టుకుని పోస్టింగ్ తెచ్చుకున్నావు, రెండు నిమిషాల్లో వెళ్లిపోతావు. ఎస్పీకి, డీజీపీకి చెబుతా’ అంటూ హెచ్చరించారు. కాగా, అక్రమంగా మట్టిని తరలిస్తున్న వాహనాలను పట్టుకున్నందుకు, వారిని వదిలి పెట్టాలంటూ శ్రీదేవి ఇలా మాట్లాడినట్టుగా తెలుస్తోంది.