Category: నేషనల్

దేశంలో వరుసగా పెట్రోల్, డీజిల్ ధరలు పెరగడంలో చరిత్ర సృష్టిస్తున్నాయి. డీజిల్ ధర తొలిసారిగా రూ .81ను దాటింది. సోమవారం, డీజిల్ ధర లీటరుకు 11 పైసలు పెరిగగా.. ఢిల్లీలో డీజిల్ ధర 81.05 రూపాయలకు చేరుకుంది. అయితే, పెట్రోల్ ధరలలో ఎటువంటి మార్పు లేదు. ఇది స్థిరంగా ఉంది. ముంబైలో పెట్రోల్ లీటరు రూ .87.19 కాగా, డీజిల్ లీటరు రూ .79.27గా ఉంది. చెన్నైలో లీటర్ పెట్రోల్‌ ధర రూ .83.63గా ఉండగా.. డీజిల్‌ లీటరు ధర రూ .78.11గా ఉంది. అదే సమయంలో కోల్‌కతాలో పెట్రోల్ ధర రూ. 82.10, డీజిల్ 76.17. నోయిడాలో మీరు ఒక లీటరు పెట్రోల్‌ 81.08 కాగా, డీజిల్‌ రూ .73.01గా ఉంది. లక్నోలో లీటరు పెట్రోల్ రూ. 80.98గా ఉండగా.. డీజిల్ రూ.72.91కి లభిస్తుంది. పాట్నాలో లీటరు పెట్రోల్ ధర 83.31గా ఉండగా.. డీజిల్ ధర లీటరుకు 77.89 రూపాయలుగా ఉంది. ఆదివారం కూడా డీజిల్ ధర 16 పైసలు పెరగగా.. పెట్రోల్ ధరల్లో మార్పు లేదు. అంతకుముందు మంగ ళవారం, డీజిల్ లీటరుకు 25 పైసలు పెరిగింది. గత 14 రోజుల నుంచి పెట్రోల్ ధరలు పెరగలేదు. సోమ వారం ఢిల్లీలో పెట్రోల్ ధర మునుపటి రూ .80.43 వద్ద ఉంది, కాని డీజిల్ పెరిగి 81 రూపాయలను దాటింది.హైదరాబాద్‌‌లో సోమవారం లీటరు పెట్రోల్ ధర రూ.83.49 వద్ద నిలకడగానే ఉంది. డీజిల్ ధర మాత్రం 10 పైసలు పెరిగి రూ.79.14కు చేరింది. అమరావతిలో కూడా పెట్రోల్, డీజిల్ ధరల పరిస్థితి ఇ లానే ఉంది. పెట్రోల్‌ ధర రూ.83.82 వద్ద నిలకడగానే ఉంది. డీజిల్‌ ధర 10 పైసలు పెరుగుదలతో రూ.79.42కు చేరింది. ఇక విజయవాడలో పెట్రోల్ ధర స్థిరంగా రూ.83.43 వద్దనే ఉంది. డీజిల్ ధర 10 పైసలు పెరిగి రూ.79.05కు చేరింది.అంతర్జాతీయ మార్కెట్‌లో మాత్రం ముడి చమురు (క్రూడాయిల్) ధరలు తగ్గాయి. బ్రెంట్ క్రూడ్ ఆయిల్ ధర బ్యారెల్‌‌కు 0.72 శాతం తగ్గుదలతో 42.95 డాలర్లకు క్షీణిం చింది. ఇక డబ్ల్యూటీఐ క్రూడాయిల్ ధర బ్యారెల్‌కు 0.69 శాతం తగ్గుదలతో 40.27 డాలర్లకు దిగొచ్చింది.

ఓ ప్ర‌భుత్వ వైద్యుడి భార్య‌కు క‌రోనా పాజిటివ్ నిర్ధార‌ణ అయింది. ఎవ‌రికి అనుమానం రావొద్ద‌నే ఉద్దేశం తో.. భార్య న‌మూనాల‌ను ప‌ని మ‌నిషి పేరుతో పంపాడు. దీంతో ఆ వైద్యుడిపై పోలీసులు ఎఫ్ఐఆర్ న‌ మోదు చేశారు.మ‌ధ్య‌ప్ర‌దేశ్ సింగ్రౌలికి చెందిన ఓ ప్ర‌భుత్వ వైద్యుడు.. సెల‌వు తీసుకోకుండా త‌న కుటుం బంతో ఉత్త‌ర‌ప్ర‌దేశ్ లో జ‌రిగిన ఓ వివాహ వేడుక‌కు హాజ‌ర‌య్యాడు. జూన్ 23న యూపీకి వెళ్లిన వారు.. జులై మొద‌టి వారంలో సింగ్రౌలికి తిరిగొచ్చారు. ఆ త‌ర్వాత డాక్ట‌ర్ భార్య‌కు క‌రోనా ల‌క్ష‌ణాలు బ‌య‌ట‌ ప‌డ్డాయి. దీంతో ఆమె న‌మూనాలను ప‌నిమ‌నిషి పేరుతో పంపాడు. ఆ న‌మూనాల‌ను ప‌రీక్షించ‌డంతో.. క‌రోనా పాజిటివ్ నిర్ధార‌ణ అయింది.ఈ క్ర‌మంలో ప‌నిమ‌నిషి పేరుతో న‌మూనాల‌ను పంపిన అడ్ర‌స్ కు వైద్యాధికారులు, పోలీసులు వ‌చ్చారు. దీంతో అస‌లు విష‌యం వెలుగు చూసింది. డాక్ట‌ర్ తో పాటు ఆ కుటుంబ స‌భ్యుల‌కు క‌రోనా ప‌రీక్ష‌లు నిర్వ‌హించారు. వైద్యుడితో పాటు మ‌రో ఇద్ద‌రికి క‌రోనా పాజిటివ్ వ‌చ్చింది.మొత్తానికి డాక్ట‌ర్ పై పోలీసులు ఎఫ్ఐఆర్ నమోదు చేశారు. క‌రోనా నుంచి వైద్యుడు కోలు కున్న త‌ర్వాత ఆయ‌న‌పై చ‌ట్ట‌ప‌ర‌మైన చ‌ర్య‌లు తీసుకుంటామ‌ని పోలీసులు స్ప‌ష్టం చేశారు.జులై 1 త‌ ర్వాత డాక్ట‌ర్ ను క‌లిసిన 33 మంది ప్ర‌భుత్వ ఉద్యోగులు సెల్ఫ్ ఐసోలేష‌న్ లోకి వెళ్లారు. వీరిలో ఒక‌రు స‌బ్ డివిజ‌న‌ల్ మెజిస్ర్టేట్ ఉన్నారు. త్వ‌ర‌లోనే వీరందరికి క‌రోనా ప‌రీక్ష‌లు నిర్వ‌హించ‌నున్నారు.

కరోనా వైరస్ నాశనాన్ని కొనసాగిస్తోంది. ప్రతిరోజూ దేశంలో కరోనా ఇన్ఫెక్షన్ కేసులు బారీగా పెరిగిపోతు న్నాయి. అమెరికా, బ్రెజిల్ తరువాత ప్రతిరోజూ ఎక్కువ మంది వ్యాధిగ్రస్తులు భారతదేశం నుంచే వస్తు న్నారు. మొదటిసారి, 24 గంటల్లో 28 వేలకు పైగా కొత్త కరోనా కేసులు నమోదయ్యాయి. దేశంలో సో కిన వారి సంఖ్య ఇప్పుడు ఎనిమిది లక్ష 49 వేలు దాటింది.ఆరోగ్య మంత్రిత్వ శాఖ యొక్క తాజా సమా చారం ప్రకారం, ఇప్పటివరకు దేశంలో కరోనా సోకినవారి సంఖ్య 8 లక్షల 49 వేల 553కి చేరుకుంది. వీరిలో 22,674 మంది మరణించగా, ఐదు లక్షల 34 వేల మంది కోలుకున్నారు. గత 24 గంటల్లో, కొత్తగా 28 వేల 637 కరోనా వైరస్ కేసులు నమోదయ్యాయి. ఇదే సమయంలో 551మంది చనిపో యారు.ప్రపంచంలో మూడవ అత్యంత ప్రభావిత దేశంగా భారత్ ఉంది. బ్రెజిల్ తరువాత కరోనా మహ మ్మారి వల్ల యునైటెడ్ స్టేట్స్ ఎక్కువగా ప్రభావితం అవగా.. భారతదేశం కంటే ఎక్కువ కేసులు అమెరికా (3,355,646), బ్రెజిల్ (1,840,812) లో మాత్రమే ఉన్నాయి. దేశంలో కరోనా కేసులు పెరిగే వేగం కూడా ప్రపంచంలో మూడవ స్థానంలో ఉంది.

కరోనా నేపథ్యంలో గణేశ్ విగ్రహాల ఎత్తుపై మహారాష్ట్ర ప్రభుత్వం ఆంక్షలు విధించింది. మండపాల్లో ఏర్పాటు చేసే వినాయకుడి విగ్రహాల ఎత్తు 4 అడుగులు మించకూడదని స్పష్టం చేసింది. వినాయక చవితి సమీపిస్తున్న నేపథ్యంలో పలు నిబంధనలను పేర్కొంటూ ఆ రాష్ట్ర హోంశాఖ శనివారం ఉత్తర్వులు జారీ చేసింది. గణేశ్ మండపాల నిర్వాహకులు విధిగా స్థానిక అధికారుల నుంచి తప్పనిసరిగా అనుమతి పొందాలని పేర్కొంది. కరోనా నేపథ్యంలో కేంద్ర ప్రభుత్వం విధించిన నిబంధనలను మండపాల నిర్వాహ కులు తప్పక పాటించాలని వెల్లడించింది.మహారాష్ట్రలో ప్రతి ఏటా గణేశ్ ఉత్సవాలను చాలా ఆడంబరంగా జరుపుతారు. గణేశ్ మండపాల నిర్వాహకులు పోటాపోటీగా పెద్ద ఎత్తు విగ్రహాలను ఏర్పాటు చేస్తుం టారు. అయితే ఈ ఏడాది కరోనా వల్ల గణేశ్ విగ్రహాల ఎత్తుపై ఆ రాష్ట్ర ప్రభుత్వం ఆంక్షలు విధించింది. మహారాష్ట్రలో కరోనా కేసుల సంఖ్య 2.31 లక్షలకు చేరగా వైరస్ బారినపడి ఇప్పటి వరకు 9,667 మంది మరణించారు.

ప్రభుత్వ ఆఫీసుల్లో పని చేసే అధికారులకు కేంద్ర హోంశాఖ కీలక మార్గదర్శకాలు జారీ చేసింది. ఇకపై ముఖ్యమైన పనులకు ఇంటర్నెట్ లేని కంప్యూటరే వాడాలని కేంద్ర హోంశాఖ స్పష్టం చేసింది. ఇటీవలి కాలంలో హ్యాకింగ్, సైబర్ దాడులు ఎక్కవయ్యాయి. సైబర్ నేగరాళ్లు.. ఫోన్లు, కంప్యూటర్లను హ్యాక్ చేసి విలువైన సమాచారాన్ని చోరీ చేస్తున్నారు. దీంతో వ్యక్తిగత నష్టం జరుగుతోంది. కొన్ని సమయాల్లో దేశ భద్రతకు కూడా ప్రమాదం ఏర్పడే అవకాశం ఉంది. దీన్ని దృష్టిలో ఉంచుకుని కేంద్ర హోంమంత్రిత్వశాఖ లోని సైబర్‌ అండ్‌ ఇన్ఫర్మేషన్‌ సెక్యూరిటీ (సీఐఎస్‌) విభాగం సైబర్‌ నేరాల బారినపడకుండా ఉండేలా ప్రభుత్వ అధికారులకు ఇటీవల మార్గదర్శకాలు జారీ చేసింది. దీని ప్రధాన ఉద్దేశం ప్రభుత్వానికి చెందిన రహస్యాలు బయటకు రాకుండా చూడటమే.

మార్గదర్శకాల్లో ప్రధానమైనవి:
* ఆయా ప్రభుత్వశాఖలకు సంబంధించి కీలకమైన పనులను ఇంటర్నెట్‌ సదుపాయం లేకుండా, ప్రత్యేకంగా ఏర్పాటుచేసిన కంప్యూటర్‌ ద్వారానే చేయాలి.
* ప్రతి ఒక్కరూ అక్షరాలు, అంకెలు, ప్రత్యేక గుర్తులతో కూడిన అత్యంత దృఢమైన పాస్‌వర్డ్‌ రూపొందించుకోవాలి.

* ప్రతి ప్రభుత్వ ఉద్యోగీ తాను వాడుతున్న కంప్యూటర్‌లోని ఆపరేటింగ్‌ వ్యవస్థ, సాఫ్ట్‌వేర్‌, యాంటీ వైరస్‌లు ఎప్పటికప్పుడు తాజాగా ఉండేలా చూసుకోవాలి. వీటికి సంబంధించిన ఆటో అప్‌డేట్‌ వ్యవస్థనూ ఆన్‌లోనే ఉంచుకోవాలి.
* ఎప్పటికప్పుడు సమాచారాన్ని బ్యాకప్‌ తీసుకుంటుండాలి.
* ప్రభుత్వానికి చెందిన సమాచారం ఏదీ ప్రైవేట్‌ క్లౌడ్‌ సర్వీస్‌లో నిల్వ చేయకూడదు. ఒకవేళ ప్రభుత్వ అధికారులు ఎవరైనా అలా చేస్తే చట్టపరమైన చర్యలు ఎదుర్కోవలసి ఉంటుంది.
* పాస్‌వర్డ్‌ చోరీ ద్వారా సాధారణంగా సైబర్‌ నేరగాళ్ళు కంప్యూటర్‌, ట్యాబ్‌, ఫోన్లలోకి చొరబడి కీలకమైన సమాచారం చోరీ చేస్తుంటారు. వారి నుంచి రక్షణకు పాస్‌వర్డ్స్‌ను తరచూ మార్చుతుండాలి. ‘పాస్‌వర్డ్‌ గుర్తుంచుకో’(రిమెంబర్) సదుపాయం వాడుకోవద్దు.
* ప్రభుత్వం ఇచ్చిన ఈ-మెయిల్‌ చిరునామానే వాడాలి.
* కీలకమైన సమాచారం ఏదీ ఈ-మెయిల్‌ ద్వారా పంపొద్దు. ఒకవేళ తప్పనిసరి పరిస్థితుల్లో పంపాల్సి వస్తే సంబంధిత అధికారి అనుమతి తీసుకోవాలి.
* ప్రభుత్వ ఉద్యోగులు, ప్రభుత్వం తరఫున పనిచేస్తున్న వారెవరూ ప్రభుత్వం సమకూర్చిన ఎలక్ట్రానిక్‌ డివైజ్ ల ద్వారా సోషల్ మీడియాను వాడకూడదు.

త‌ల్లి గ‌ర్భంలోనే శిశువుకు క‌రోనా సోకింది. ఆ గ‌ర్భిణికి మొద‌ట క‌రోనా పాజిటివ్ వ‌చ్చింది. కానీ డెలివ‌రీ మాత్రం నెగిటివ్ ఫ‌లితం వ‌చ్చాకే అయింది. పుట్టిన ఆరు గంట‌ల త‌ర్వాత బిడ్డ‌కు క‌రోనా ప‌రీక్ష‌లు నిర్వ‌ హించ‌గా పాజిటివ్ ఫ‌లితం వ‌చ్చింది. ఇలాంటి కేసు దేశంలోనే మొద‌టిసారి అని ఢిల్లీలోని రామ్ మ‌నో హ‌ర్ లోహియా ఆస్ప‌త్రి వైద్యులు తెలిపారు.నంగ్లోయికి చెందిన 25 ఏళ్ల మ‌హిళ గ‌ర్భిణి. ఆమెకు జూన్ 11న క‌రోనా పాజిటివ్ నిర్ధార‌ణ అయింది. భ‌ర్త కూడా క‌రోనా రావ‌డంతో చికిత్స పొందుతున్నాడు. రామ్ మ‌నోహ‌ర్ లోహియా ఆస్ప‌త్రిలో చికిత్స పొందుతున్న గ‌ర్భిణికి జూన్ 25న మ‌ళ్లీ క‌రోనా ప‌రీక్ష‌లు నిర్వ‌ హించారు. ఫ‌లితం పాజిటివ్ వ‌చ్చింది. మ‌ళ్లీ జులై 7వ తేదీన ఆర్టీపీసీఆర్ ప‌రీక్ష‌లు నిర్వ‌హించ‌గా నెగిటివ్ గా నిర్ధార‌ణ అయింది. ఆ మ‌రుస‌టి రోజే పండంటి బిడ్డ‌కు గ‌ర్భిణి జ‌న్మ‌నిచ్చింది. బిడ్డ పుట్టిన ఆరు గంట ‌ల త‌ర్వాత‌.. చిన్నారి న‌మూనాల‌ను సేక‌రించి ప‌రీక్ష‌లు నిర్వ‌హించ‌గా పాజిటివ్ నిర్ధార‌ణ అయింది. చి న్నారికి క‌రోనా ఇన్ ఫెక్ష‌న్ అధికంగా ఉంద‌ని వైద్యులు తెలిపారు. త‌ల్లి బొడ్డుతాడు నుంచి బిడ్డ‌కు క‌రోనా వ్యాపించే అవ‌కాశం ఉంద‌ని రామ్ మ‌నోహ‌ర్ లోహియా వైద్యులు తెలిపారు. ప్ర‌స్తుతానికి చిన్నారికి చికిత్స అందిస్తున్నారు.

ఉత్తర ప్రదేశ్ గ్యాంగ్ స్టర్ వికాస్ దూబే అనూహ్య రీతిలో ఎన్ కౌంటర్ లో మృతి చెందాడు. నిన్న మధ్యప్రదేశ్ లోని ఉజ్జయిని లో వికాస్ ను అరెస్ట్ చేసిన పోలీసులు, ఆపై అతన్ని కట్టుదిట్ట మైన భద్రత నడుమ కాన్పూర్ కు తీసుకుని వెళ్లేందుకు ప్రయత్నించిన సమయంలో ఈ ఘటన జరిగినట్టు తెలుస్తోంది. ప్రాథమిక సమాచారం ప్రకారం, ఈ తెల్లవారుజామున వికాస్ దూబేను తీసుకుని వస్తున్న వాహనం కాన్పూర్ సమీపంలో అదుపుతప్పి బోల్తా కొట్టింది. ఆపై వెంటనే తప్పించుకుని పారిపోయేందుకు వికాస్ దూబే ప్రయత్నించాడు. ఈ క్రమంలో జరిగిన కాల్పుల్లో అతను హతమయ్యాడు.కాగా, ఎనిమిది మంది పోలీసులను వికాస్ గ్యాంగ్ హత్య చేసిన తరువాత, పోలీసులు అతనిపై పగతో రగిలిపోతున్న సంగతి తెలిసిందే. గడచిన ఐదు రోజుల్లో వికాస్ గ్యాంగ్ లోని పలువురిని పోలీసులు కాల్చి చంపారు కూడా. ఈ క్రమంలో తమపై వచ్చిన ఒత్తిడితోనే వికాస్ దూబేను పోలీసులు ఎన్ కౌంటర్ లో కాల్చి చంపారని కూడా వార్తలు వస్తున్నాయి. పోలీసు అధికారులు మాత్రం ఈ వార్తలను ఖండించారు. పూర్తి వివరాలు తెలియాల్సి వుంది.

చనిపోతూ కూడా ఓ పోలీస్ కానిస్టేబుల్ తన వృత్తి ధర్మాన్ని విడిచిపెట్టలేదు. కన్నుమూసే సమయంలో కూడా సమయస్ఫూర్తితో తన చావుకు కారణమైన హంతకులను పట్టించాడు. ఈ ఘటన హరియాణా లోని సోనిపట్ జిల్లాలోని గోహానా-జింద్ రహదారిపై తెల్లవారుజామున బుటానా పోలీస్ స్టేషన్ పరిధిలో జరిగింది.బుటానా సమీపంలో ఉన్న సోనిపట్ జింద్ రోడ్డు పక్కన కొంతమంది గుర్తు తెలియని వ్యక్తులు కారును పార్క్ చేసి రోడ్డుపైనే మద్యం తాగుతున్నారు. అది చూసిన డ్యూటీలో ఉన్న కానిస్టేబుల్స్‌ కప్తాన్‌ సింగ్(43), రవీందర్‌ సింగ్(28)‌ వారిని ప్రశ్నించారు. రోడ్డు పక్కన మద్యంతాగకూడదని చెప్పారు. మద్యం మత్తులో ఉన్న మందుబాబులు ఇష్టమొచ్చినట్లుగా రెచ్చిపోయారు. ఓ కానిస్టేబుల్ పై దాడికి దిగారు.అలా కానిస్టేబుల్స్ కు మందుబాబులకు మధ్య జరిగిన ఘర్షణలో రవీందర్‌ సింగ్‌, కప్తాన్‌ సింగ్‌ అక్కడికక్కడే మరణించారు. అలా వారి చేసిన దాడిలో చనిపోయే ముందు కానిస్టేబుల్ రవీందర్‌ సింగ్‌ తన చేతిపై తమపై దాడి చేసిన దుండగుల కారు నంబర్‌ని రాసుకున్నాడు. అతని సిన్సియారిటీయే సదరు దుండగులను పట్టించింది.కానిస్టేబుల్స్ పై కొంతమంది దాడి చేశారని సమచారం అందుకున్న పోలీసులు ఘటనాస్థలానికి హుటాహుటిన చేరుకున్నరు. అక్కడికి వచ్చిన పోలీసులకు చనిపోయిన పడిఉన్నకానిస్టేబుల్స్ ను చూసి ఆగ్రహంతో ఊగిపోయారు. దుండగులను ఎలాగైనాసరే పట్టుకోవాలను కున్నారు.పోలీసులు రవీందర్‌ చేతి మీద ఉన్న రిజిస్ట్రేషన్‌ నంబర్‌ ఆధారంగా విచారణ చేపట్టి దుండగుల ను పట్టుకున్నారు.ఈ ఘటన గురించి హరియాణా పోలీసు చీఫ్‌ మనోజ్‌ యాదవ్ మాట్లాడుతూ..‘చనిపో యే ముందు మా పోలీస్‌ కానిస్టేబుల్‌ రవీందర్‌ సింగ్‌ చూపిన సమయస్ఫూర్తి అభినందనీయం. చనిపో యే ముందు రవీందర్‌ సింగ్‌ హంతకుల కారు నంబర్‌ని తన చేతి మీద రాసుకున్నాడు. లేదంటే నింది తులను పట్టుకునేందుకు చాలా ఇబ్బంది పడాల్సి వచ్చేది.’ అని తెలిపారు. ఈ కేసులో పోలీసులు మొత్తం ఆరుగురుని అరెస్ట్‌ చేశారు. అనంతరం విచారణ ముమ్మరం చేశారు.

ఉత్త‌ర‌ప్ర‌దేశ్‌కు చెందిన గ్యాంగ్‌స్ట‌ర్, మోస్ట్ వాంటెడ్ క్రిమిన‌ల్ వికాశ్ దూబే అరెస్టు అయ్యాడు. త‌ల‌పై 5 ల‌క్ష‌ల రివార్డు ఉన్న‌ది. మ‌ధ్య‌ప్ర‌దేశ్‌లోని ఉజ్జెయి నిలో వికాస్‌ను పోలీసులు అరెస్టు చేసిన‌ట్లు స‌మాచా రం. ఉజ్జెయినిలో మ‌హాకాళేశ్వ‌రుడికి పూజ‌లు నిర్వ‌హించేందుకు వికాస్ అక్క‌డ‌కు వెళ్లిన‌ట్లు తెలు స్తోంది.మ‌హాకాళేశ్వ‌రుడి ఆల‌ యంలో ప‌నిచేస్తున్న ఓ గార్డు అత‌న్ని నిర్బంధించిన‌ట్లు తెలుస్తోంది. వికాస్‌ను పట్టు కున్న ఆల‌య గార్డు.. ఆ విష‌యాన్ని ఉజ్జెయిన్ ఎస్పీ మ‌నో జ్ సింగ్‌కు తెలియ‌జే శాడు. ఆ త‌ర్వాత ఉజ్జెయిని పోలీసులు అత‌న్ని అదుపులోకి తీసుకున్నారు. మ‌ధ్య‌ ప్ర‌దేశ్ సీఎం శివ‌రాజ్ సింగ్ చౌహాన్‌కు ఆ రాష్ట్ర డీజీపీ ఈ విష‌యాన్ని తెలియ‌జేశారు. దూబే అరెస్టు గురించి యూపీ సీఎం యోగికి శివ‌రాజ్ చెప్పిన‌ట్లు స‌మాచారం.గ‌త వారం కాన్పూర్‌లో జ‌రిగిన ఎన్‌కౌం ట‌ర్‌లో 8 మంది పోలీసులు మృతిచెందిన విష‌ యం తెలిసిందే. ఆ కేసులో వికాస్ ప్ర‌ధాన నిందితుడు. వికాస్ కోసం గ‌త అయిదు రోజుల నుంచి యూపీ పోలీసులు విస్తృతంగా గాలిస్తున్నారు. ఇప్ప‌టికే ఈ కేసుతో లింకు ఉన్న న‌లుగురు క్రిమిన‌ల్స్‌ను పోలీసులు ఎన్‌కౌంట‌ర్ చేశారు. కాన్పూర్‌లోని త‌న స్వంత ఇంటి నుంచి త‌ప్పించుకున్న వికాస్ ఆ త‌ర్వాత పోలీసులకు ముచ్చెమ‌ట‌లు ప‌ట్టించాడు.

మాజీ సైనికుల కంట్రిబ్యూటరీ హెల్త్ స్కీమ్ (ఈసీహెచ్ఎస్) కింద ఒక లబ్ధిదారుడి కుటుంబానికి ఒక ఆక్సిమీటర్‌కే రీయింబర్స్‌మెంట్ వర్తిస్తుందని కేంద్ర రక్షణ మంత్రిత్వ శాఖ తెలిపింది. కరోనా సోకిన వారి రక్తంలో ఆక్సిజన్ స్థాయిలను తెలుసుకునేందుకు ఆక్సీమీటర్‌ ఉపయోగపడుతుంది. అయితే కరోనా పాజిటివ్ గా నిర్ధారణ అయిన కొందరు ఆక్సీమీటర్లను కొనుగోలు చేసి ఈ ఆరోగ్య పథకం కింద రీయింబ ర్స్‌మెంట్ కోసం బిల్లులు సమర్పిస్తున్నారు. ఈ నేపథ్యంలో ఒక మాజీ సైనిక కుటుంబంలో ఎక్కువ మందికి కరోనా సోకినప్పటికీ ఒక ఆక్సీమీటర్‌కు మాత్రమే రీయింబర్స్‌మెంట్ వర్తిస్తుందని కేంద్ర రక్షణ మంత్రిత్వశాఖ స్పష్టం చేసింది. అలాగే ఆక్సీమీటర్ ధర కూడా రూ.1,200కు మించకూడదని పేర్కొంది. ఈ మేరకు బుధవారం ఉత్తర్వులు జారీ చేసింది.