Category: ఆరోగ్యం

ప్రపంచాన్ని వణికిస్తున్న కరోనా మహమ్మారి మన శ్వాసకోశ వ్యవస్థపైనే ప్రభావం చూపుతుందని ఇప్పటిదాకా మనం అనుకుంటున్నాం. కానీ, ఇది మొత్తం శరీరంపైనే ఎఫెక్ట్‌ చూపిస్తుందనే చేదునిజం తాజాగా తెలిసింది. ముఖ్యంగా మెదడు దెబ్బతినే అవకాశం చాలావరకు ఉందని ఓ అధ్యయనంలో తేలింది. కొవిడ్‌-19 వల్ల బ్రెయిన్‌ డ్యామేజ్‌ అవుతున్నదని పరిశోధకులు గుర్తించారు. నాడీవ్యవస్థ దెబ్బతినడంతోపాటు మతిమరుపు సమస్య వచ్చే ప్రమాదముందని నిర్ధారించారు. ఈ అధ్యయన వివరాలు ది లాన్సెట్‌ న్యూరాలజీ అనే మెడికల్ జర్నల్‌లో ప్రచురితమయ్యాయి.యూనివర్సిటీ కాలేజ్ లండన్ (యూసీఎల్) పరిశోధకులు ఈ అధ్యయనాన్ని నిర్వహించారు. కరోనా వైరస్‌ ప్రభావం వల్ల రోగిలో అరుదైన, ప్రాణాంతక మెదడు వాపులాంటి లక్షణాలు కన్పిస్తున్నాయని గుర్తించారు. దీన్నే అక్యూట్‌ డిసెమినేటెడ్‌ ఎస్‌సిఫలోమైలిటీస్‌ (ఏడీఈఎం) అని పిలుస్తారని వారు పేర్కొన్నారు. దీనివల్ల మెదుడులో తీవ్రమైన నొప్పి కలుగుతుందని, ఇలా ఓ తొమ్మిది మంది బాధపడుతున్నట్లు తాము గుర్తించామని సైంటిస్టులు పేర్కొన్నారు. ఇది సాధారణంగా పిల్లల్లో కనిపిస్తుందని, మెదడు, వెన్నుపా ము రెండింటినీ ప్రభావితం చేస్తుందని తెలిపారు.అలాగే, తాము పరీక్షించిన 43 మంది రోగుల్లో కొందరికి శ్వాసకోశ లక్షణాలే కనిపించలేదని వారు వెల్లడించారు. కాగా, కొవిడ్‌-19 వల్ల రోగుల్లో కలుగుతున్న దీర్ఘకాలిక నష్టం ఏంటో ఇంకా తెలియలేదని, కానీ, తమ స్టడీ ఆధారంగా వారిలో మెదడు సమస్యలను క్రమబద్ధంగా పర్యవేక్షించాల్సిన అవసరం మాత్రం ఉందని గుర్తించినట్లు ఈ అధ్యయనానికి నేతృత్వం వహించిన  డాక్టర్ రాస్ పాటర్సన్ పేర్కొన్నారు.  దీన్ని పరిగణనలోకి తీసుకొని కరోనా చికిత్స, వ్యాక్సిన్‌ తయారీలో ముందడుగు వేయాల్సి ఉంటుందన్నారు.

మిన‌ర‌ల్ వాట‌ర్ తాగ‌డం వ‌ల్ల కూడా ఆనారోగ్యానికి గుర‌వుతార‌ని తెలుసా.. అదేంటి ఆరోగ్యంగా ఉండా ల‌నే క‌దా నీటిని కొనుగోలు చేసి మ‌రీ తాగుతున్నాం అంటారేమో.. అస‌లు విష‌యం తెలిస్తే ఏ నీరు మం చివో మీకే అర్థ‌మ‌వుతుంది. బావినీరు తాగే ప‌ల్లెటూళ్లు కూడా ఇప్పుడు మిన‌ర‌ల్ వాట‌ర్‌కు అల‌వాటు ప‌డ్డాయి. ఈ నీరు తాగ‌డం వ‌ల్ల ఎలాంటి ఆరోగ్య స‌మ‌స్య‌ల్ని ఎదుర్కోవాల్సి వ‌స్తుందో తెలుసుకోండి.

1. నిపుణులు సైతం మిన‌ర‌ల్ వాట‌ర్ తాగొద్ద‌ని చెబుతున్నారు. ఎందుకంటే మిన‌ర‌ల్ వాట‌ర్‌లో అస‌లు మిన‌ర‌ల్సే ఉండ‌వ‌ట‌. పైగా ఈ నీటిని తాగ‌డం వ‌ల్ల కిడ్నీ స‌మ‌స్య‌లు ఎదుర‌వుతాయి. కిడ్నీల్లో రాళ్లు చేరి అనారోగ్యానికి గురిచేస్తుంది. 

2. వ‌య‌సు దాటితే వ‌చ్చే మోకాళ్ల నొప్పులు మిన‌ర‌ల్ వాట‌ర్ తాగేవారిలో ముందుగానే వ‌స్తాయి. అంతేకాదు ఈ నీటిని ప్లాస్టిక్ బాటిల్స్‌, వాట‌ర్ క్యాన్ల‌లో స్టోర్ చేయ‌డ‌మే. ఇలా చేయ‌డం వ‌ల్ల శ‌రీరానికి అవ‌స‌ర‌మ‌య్యే క్యాల్షియం, పాస్ఫ‌ర‌స్‌, స‌ల్ఫ‌ర్‌, మెగ్నీషియం వంటి మిన‌ర‌ల్స్‌ను ఈ నీరు తాగ‌డం వ‌ల్ల కోల్పోతాం.  

3. మ‌రి ఏ నీరు తాగాలి అనుకునేవాళ్ల‌కు చెప్పేది ఒక‌టే. కాచిన నీరు తాగడం ఉత్త‌మం. అంతేకాదు ప్లాస్టిక్ బాటిల్స్‌ను తొలిగించి రాగి పాత్ర‌లు, కుండ‌లో స్టోర్ చేసి పెట్టుకోవాలి.  కుండనీరు తాగ‌డం వ‌ల్ల ఎముక‌లు దృఢంగా త‌యార‌వుతాయి. 

4. త‌క్కువ నీరు తాగేవారు భ‌విష్య‌త్తులో చాలా స‌మ‌స్య‌లు ఎదుర్కోవాల్సి ఉంటుంది. శరీరంలోని అన్నీ జీవ‌క్రియలకు నీరే ఆధారం. జీర్ణ సమస్యలు, మలబద్ధకం, అధిక బరువు వంటి సమస్యలు నీరు ఎక్కువ‌గా తాగ‌డం వ‌ల్ల దూరం అవుతాయి.

5. నీరు ఎక్కువ‌గా తాగ‌డం వ‌ల్ల చ‌ర్మం కాంతివంతంగా మెరుస్తూ ఉంటుంది. జుట్టు స‌మ‌స్య‌ల‌ను కూడా త‌గ్గిస్తుంది. నీరు ఎక్కువ తాగాలంటే మిన‌ర‌ల్ వాట‌ర్ క‌న్నా.. నార్మ‌ల్ నీరు తాగితేనే మంచిది అంటున్నారు నిపుణులు. 

ఇప్పుడు ప్ర‌తిఒక్క‌రినీ ప‌ట్టి పీడిస్తున్నది క‌రోనా. ఇంటి నుంచి బ‌య‌టికి వెళ్ల‌క‌పోయినా కొవిడ్‌-19 వైర‌స్ సోకుతుంది. ఏవైనా ల‌క్ష‌ణాలు క‌నిపించినా హాస్పిట‌ల్‌కు వెళ్లి టెస్ట్ చేయించుకోవ‌డానికి భ‌య‌మేస్తుంది. అందుక‌ని ఇంట్లోనే  ఉండి క‌రోనా టెస్ట్ చేసుకోవ‌డానికి ర‌క‌ర‌కాల స‌ల‌హాలిస్తున్నారు. స్మార్ట్ ఫోన్ టెస్ట్ చేసుకునే విధంగా అందుబాటులోకి వ‌చ్చింది. ఇప్పుడు అది కూడా అవ‌స‌రం లేదు, సింపుల్‌గా ఇంట్లో నే టెస్ట్ చేసుకోవ‌చ్చు అంటున్నారు క‌మాండ్ కంట్రోల్ సంట‌ర్‌కు చెందిన ఓ అధికారి.ప్ర‌తిఒక్క‌రూ 100 అడుగులు వేసి టెస్ట్ చేసుకోవాల‌ని తెలిపారు. ఈ 100 అడుగులు వేసే స‌మ‌యంలో ఆయాసం వ‌స్తే కొంత రిస్క్‌లో ఉన్న‌ట్లే అని అన్నారు. VJAలో ఇలా 100 మందిని ప‌రీక్షించ‌గా 58 మంది ఆయాస‌ప ‌డ్డార‌ని,  వారికి టెస్టులు చేయ‌గా 8 మందికి క‌రోనా పాజిటివ్ వ‌చ్చింద‌న్నారు. 

పిల్లల్ని చిన్నప్పుడే చెప్పుచేతల్లో పెట్టుకోపోతే వారు పెద్దయ్యాక తమ మాట వినరని తల్లిదండ్రులు అతిగా మందలిస్తుంటారు. వారికి యుక్త వయస్సులో తగినంత స్వేచ్ఛ ఇవ్వరు. దీన్నే ఓవర్‌ పేరెంటింగ్‌ అంటారు. దీంతో అసలుకే ముప్పు అని శాస్త్రవేత్తలు పేర్కొంటున్నారు. టీనేజ్‌లో తల్లిదండ్రుల నుంచి ప్రతిదానికి ఆంక్షలు ఎదుర్కొన్న పిల్లలు పెద్దయ్యాక చదువుల్లో, సామాజిక సంబంధాలు పెంపొందించు కోవడంలో వెనుకబడుతున్నారని వారు గుర్తించారు.వర్జీనియా యూనివర్సిటీకి చెందిన శాస్త్రవేత్తలు శిశు వికాసంపై అధ్యయనం చేసి, పెద్దల ఆజమాయిషీ పిల్లల ప్రగతికి ఎలా అవరోధంగా మారుతుందో కనుగొన్నారు. ఇందుకోసం వారు 13 నుంచి 32 ఏళ్ల మధ్య వయస్సుగల 184 మందిని ఎంపిక చేసుకున్నారు. ఇందులో సగం మంది పురుషులు, సగం మంది మహిళలున్నారు. అలాగే, 42 శాతం మంది మైనార్టీ వర్గాలకు చెందిన వారున్నారు. వారికి ఒక ప్రశ్నావళి ఇచ్చి, వారి బాల్యం, తల్లిదండ్రులతో ఉన్న అనుబంధం, విద్యాభ్యాసం, అనుబంధాల స్థితి గురించిన ప్రశ్నలకు సమాధానాలు రాయించారు. అలాగే, వీళ్లు తమతో ఎలా మెదిలేవారని వారి సహచరులనుంచి సమాచారాన్ని సేకరించారు. దీనిని విశ్లేషించిన శాస్త్రవేత్తలు ఎవరైతే టీనేజ్‌లో తల్లిదండ్రుల నుంచి కఠినమైన పరిస్థితులు ఎదుర్కొన్నారో వారు 27, 32 ఏళ్ల వయస్సు వచ్చేసరికి ఇతరులతో సత్ససంబంధాలు పెంచుకోవడంతోపాటు చదువులోనూ వెనుకబడ్డారని గుర్తించారు. అలాగే, మానసిక పరిపక్వతకూడా లోపిస్తుందని తేల్చారు. అలాంటి వారిని సరిచేయడం సైక్రియాట్రిస్టులతో కూడా సాధ్యపడదని నిర్ధారించారు. ఈ అధ్యయన వివరాలను సొసైటీ ఫర్‌ రీసెర్చ్‌ ఇన్‌  చైల్డ్‌ డెవలప్‌మెంట్‌ ప్రచురించింది.

ఇతర ఆరోగ్య సమస్యలు ఉన్న ప్రతి ఐదుగురిలో ఒకరికి కరోనా వైరస్ తో ఎక్కువ ముప్పు కలిగి వున్నది. గుండె జబ్బులు, మధుమేహం వంటి వేరే ఆరోగ్య సమస్యలతో బాధపడుతున్నవారిలో కొవిడ్-19 తొందరగా ప్రభావితం చేస్తుందని ఇటీవలి అధ్యయనంలో తేలింది. లండన్ స్కూల్ ఆఫ్ హైజీన్ అండ్ ట్రోపికల్ మెడిసిన్ నిర్వహించిన ఈ అధ్యయనం నివేదికను లాన్సెట్ పత్రికలో ప్రచురించారు.ఈ అధ్యయనం ప్రకారం.. ఇతర జబ్బులతో బాధపడుతున్న వారు ప్రపంచ జనాభాలో దాదాపు 20 శాతం మంది అంటే 170 కోట్ల మంది ప్రభావితమయ్యే అవకాశాలు కనిపిస్తున్నాయి. ఇలాంటి వారు టైప్-2 డయాబెటిస్, గుండె జబ్బులు వంటివి కలిగివుంటే తీవ్రత మరి కొంచెం ఎక్కువగా ఉంటుంది. వీటితో పాటు దీర్థకాలిక మూత్రపిండాల వ్యాదితోగానీ, తీవ్ర శ్వాస సమస్యతోగానీ, ఇతరత్రా తీవ్ర వ్యాధులతోగానీ బాధపడుతుంటే కూడా కరోనా వైరస్ ఎక్కువగా వ్యాపించే అవకాశాలు ఉన్నాయి. ఆఫ్రీకా దేశంలో కన్నా యూరప్ లో కరోనాతో ఎక్కువ ప్రమాదం ఉన్నదని తేల్చారు. యూరప్ దేశాల్లో ప్రతి ముగ్గురిలో ఒకరికి తీవ్ర ఆరోగ్య సమస్యలు ఉన్నందున కొవిడ్ ప్రభావం ఎక్కువగా ఉండే అవకాశాలు ఉన్నాయని తెలిపారు.ఇలా ఉండగా, ఇప్పటివరకు ప్రపంచ దేశాల్లో 80 లక్షల మందికి కరోనా వైరస్ సోకినట్లు గణాంకాలు చెప్తున్నాయి. భారత్లో కేసుల సంఖ్య 3,43,091 కి చేరుకొన్నాయని కేంద్ర ఆరోగ్య శాఖ వెల్లడించింది.

కరోనా వైరస్ మహమ్మారి వ్యాప్తి నేపథ్యంలో వ్యాధి నిరోధక శక్తి అనే అంశం విస్తృతంగా చర్చకు వస్తోంది. వ్యాధి నిరోధక శక్తిని పెంపొందించుకోవాలంటే ఏంచేయాలి.. ఎలాంటి ఆహారాలు తీసుకోవాలి. జీవనశైలిలో మార్పులు ఎలాంటివి చేసుకోవాలి? అలవాట్లతో ఇలాంటి వైరస్‌ను ఎలా దూరం పెట్టొచ్చు.. అనే అంశాల పై ప్రతి ఒక్కరూ ఆలోచిస్తున్నారు. అయితే, వ్యాధి నిరోధక శక్తి అనేది ఒక్కరోజులోనో.. ఒక్క వారంలోనో వచ్చేది కాదు. దానికంటూ కొన్ని నియమాలు ఉన్నాయి.వాటిని తూచా తప్పకుండా పాటించడం ద్వారా మన శరీరంలో వ్యాధి నిరోధకతను పెంచుకోవచ్చని వైద్యనిపుణులు సెలవిస్తు న్నారు. ఇదే సమయంలో ఎలాంటి తప్పులు చేయడం ద్వారా మనకు మనం రోగ నిరోధక శక్తిని బలహీనపర్చుకొం టున్నామో తెలుసుకొందాం.మన శరీరంలోకి హానికారక బ్యాక్టీరియా, వైరస్‌, ఇతర సూక్ష్మక్రిములు వచ్చినప్పుడు వాటిపై దాడి చేసి వాటిని బయటకు పంపే వ్యవస్థనే రోగనిరోధక వ్యవస్థ. ఈ వ్యవస్థలో ముఖ్యమైనవి మన శరీరంలో ఉండే 5 లీటర్ల రక్తం. అలాగే పారదర్శకంగా కనిపించే శోషరసం (లింఫ్‌). ఈ రెండు ద్రవాలు యాంటిజెన్లు శరీరంపై దాడి చేసినప్పుడు ఎదురెల్లి నిలబడి వాటి అంతుచూస్తాయి. ఇలాంటి వ్యవస్థను మన అలవాట్లు బలహీరపరుస్తాయి. ఫలితంగా బయటి హానికారక సూక్ష్మిక్రిములు శరీరంపై స్వారీ చేస్తాయి. దాంతో వివిధ వ్యాధులకు మనం గురికావాల్సి వస్తుంది. వ్యాధులకు గురవకుండా ఉండాలంటే వ్యాధినిరోధకశక్తిని పెంపొందించుకోవడం చాలా అవసరం.

ఒత్తిడి: 

రోగ నిరోధక శక్తిని బలహీన పరిచే అంశాల్లో ముఖ్యమైనది ఒత్తిడి. దీర్ఘకాలిక ఒత్తిడికి లోనైనవారు జలుబు, ఫ్లూ వంటివి పట్టుకోవడానికి చాలా అవకాశాలు ఉన్నాయి.

నిద్ర:

రెండో అంశం.. సరిపోయేంత నిద్రపోకపోవడం. నిద్రలేమి కారణంగా అనేక వ్యాధులు మనపై దాడి చేస్తుంటాయి. రోజులో కనీసం ఏడు గంటలపాటు నిద్రపోయేలా చూసుకోవడం చాలా అవసరం. 

డీ విటమిన్‌ లోపం: 

ప్రస్తుత కరోనా మహమ్మారి వ్యాప్తి నేపథ్యంలో మనం బయటకు వెళ్లేందుకు జంకుతున్నాం. మంచిదే కాని, సూర్మరశ్మి మన శరీరంపై పడకుండా ఉండటం వల్ల వ్యాధినిరోధక శక్తి బలహీనపడుతుందని గుర్తుంచుకోవాలి. నిత్యం ఉదయాన్నే ఎండలో నిలుచోవడం అలవాటు చేసుకోవడం ద్వారా విటమిన్‌ డీ పొందవచ్చు.

వ్యాయామం:

నిత్యం కనీసం అర్ధగంటపాటైనా వ్యాయామం చేయడం ద్వారా శరీరంలోని కండరాలు, ఎముకలు గట్టిపడి శరీరం పూర్తిగా కంట్రోల్‌లో ఉంటుంది. నిత్యం వ్యాయామం చేసేవారిలో తెల్లరక్త కణాలు, యాంటీబాడీస్‌ వృద్ధి చెందుతాయని ఓ పరిశోధనలో తేలింది.

ఆహారపుటలవాట్లు:

మన ఉరుకుల పరుగుల జీవితంలో ఆహారానికి తగినంత ప్రాధాన్యం ఇవ్వడం లేదు. ఏది దొరికితే అది తినేయడం, కనిపించిన డ్రింక్స్‌నల్లా లోపలికి పంపేయడం చేస్తూ అనేక వ్యాధులను కొని తెచ్చుకొంటున్నాం. కృత్రిమ చక్కెరలు, జంక్‌ఫుడ్‌, నూనె వస్తువులు, ఫ్రైడ్‌ ఫుడ్స్‌ తినడం వల్ల శరీరానికి ఎలాంటి ఉపయోగం లేకపోగా.. నష్టాలే ఎక్కువగా ఉంటాయట.

సిగరెట్లు, మద్యం:

సిగరెట్లు ఊదేయడం, మద్యం తాగడం ఈ రెండు దురలవాట్లు రోగ నిరోధక శక్తిని బలహీనపర్చడమే కాకుండా మన శరీరానికే చెడు చేకూరుస్తాయి.ఇప్పటి నుంచైనా జీవనశైలిలో మార్పులు చేసుకొని ప్రవర్తిస్తే కరోనాలాంటి మహమ్మారులు ఎన్ని దాడిచేసినా ఎదుర్కొనేందుకు మన శరీరం సిద్ధంగా ఉంటుందని గ్రహించండి.

కరోనా మహమ్మారిని క‌ట్ట‌డి కోసం వ్యాక్సిన్ క‌నిపెట్ట‌డానికి చైనాలోని ఔష‌ధ త‌యారీ సంస్థ‌ సినోవ్యాక్ బయోటెక్ చేస్తున్న ప్ర‌య‌త్నాలు ఆశ‌లు చిగురింప‌జేస్తున్నాయి. తమ ప్రయత్నాలు ఫలించి మందు మార్కెట్లోకి వస్తే వేల ప్రాణాలు నిలువరించిన వారమవుతామని ఆ సంస్థ ఇటీవ‌ల పేర్కొన్న‌ది. తాము తయారు చేసిన టీకా సానుకూల ఫలితాలను ఇస్తున్న‌ద‌ని సినోవ్యాక్ బయోటెక్ తెలిపింది.మానవులపై ప్రయోగాత్మకంగా నిర్వహించిన ఈ టీకా మొదటి రెండు దశలు పూర్తి చేసుకుంద‌ని, ‘కరోనా వ్యాక్స పేరుతో అభివృద్ధి చేస్తున్న‌ ఈ టీకాను మొత్తం 743 మందిపై ప్రయోగించామని సినోవ్యాక్ పేర్కొన్న‌ది. 18-59 ఏండ్ల మ‌ధ్య వ‌య‌సు ఉన్నవారిపై ఈ టీకా ప్రయోగాలు చేసిన‌ట్లు వెల్ల‌డించింది. టీకా తీసు కున్న 14 రోజుల తర్వాత వారిలోని 90 శాతం మందిలో కరోనా వైరస్‌తో పోరాడే యాంటీ బాడీలు ఉత్పన్నం అయ్యాయని స్ప‌ష్టంచేసింది. త‌మ వ్యాక్సిన్ తీసుకున్న వారికి తీవ్రస్థాయి దుష్ప్రభావాలు ఏమీ ఎదురుకాకపోవడం ఊరటనిచ్చే అంశమ‌ని, ఇక మూడో దశ ట్రయల్స్ దేశం బయట నిర్వహించాల నుకుంటున్నామ‌ని సినోవ్యాక్ బ‌యోటెక్ వెల్ల‌డించింది. ఇందుకోసం బ్రెజిల్‌లోని ఓ సంస్థతో ఒప్పందం కుదుర్చుకుంది. కాగా, క‌రోనాకు టీకాను క‌నుగొనేందుకు ప్రపంచవ్యాప్తంగా రెండు డజన్లకుపైగా పరిశోధనా ప్రయత్నాలు జరుగుతున్నాయి.

కరోనా వైరస్‌ను తట్టుకోవాలంటే రోగనిరోధక శక్తి పెంచుకోవాలని వైద్యనిపుణులు పేర్కొంటున్న విషయం తెలిసిందే. అయితే, అన్ని పోషకాలతోపాటు ప్రతిరోజూ జింక్‌ ఉన్న పదార్థాలను తీసుకోవడం వల్ల మన ఇమ్యునిటీని పెంచుకోవచ్చని చెబుతున్నారు పోషకాహార నిపుణులు. జింక్‌ మన శరీరంలోని ౩౦౦ ఎంజైమ్స్‌ను క్రియాశీలకంగా ఉంచి, ఆరోగ్యంగా ఉండేందుకు తోడ్పడుతుంది. రోగనిరోధక శక్తిని పెంచడం తోపాటు కణ విభజన, కణాభివృద్ధి, గాయాలను మానేలా చేస్తుంది. డీఎన్‌ఏ, ప్రోటీన్ల సంశ్లేషణకు ఉపయోగపడుతుంది. అలాగే, జింక్‌ సాధారణ శరీరాభివృద్ధికి కూడా తోడ్పడే అత్యావశ్యక పోషకం కూడా. అయితే, ప్రపంచంలో చాలామంది జింక్‌ లోపంతో బాధపడుతున్నట్లు ప్రపంచ ఆరోగ్య సంస్థ (డబ్ల్యూహెచ్‌వో) పేర్కొంటోంది. మూడింట ఒకవంతు మంది కూడా జింక్‌ ఉన్న ఆహారాన్ని తీసుకోకపోవ డమే దీనికి ప్రధాన కారణమని చెబుతున్నది.ప్రోటీన్‌లాగా, జింక్‌ను మన శరీరం నిల్వ చేసుకునే సామర్థ్యం కలిగి ఉండదని, ప్రతిరోజూ ఆహారం ద్వారా జింక్‌ శరీరంలో చేరేలా చూసుకోవాలని నిపుణులు సూచిస్తున్నారు. యూఎస్‌ఏ నేషనల్‌ ఇన్‌స్టిట్యూట్‌ ఆఫ్‌ హెల్త్‌ ప్రకారం 14 ఏళ్లపైబడిన పురుషులు 11 మిల్లీగ్రాంలు, అదే స్త్రీలైతే 8 మిల్లీగ్రాంల జింక్‌ తీసుకోవాలి. గర్భిణులు 11 మిల్లీగ్రాంలు, పాలిచ్చే తల్లులు 12 మిల్లీగ్రాంలు ఆహారం ద్వారా జింక్ తీసుకోవాల్సి ఉంటుంది. జంతుమాంసంలో జింక్‌ ఎక్కువ మొత్తంలో ఉంటుంది. 100 గ్రాంల మాంసంలో 4.8 మిల్లీగ్రాంల జింక్‌ ఉంటుంది. దీంతోపాటు మృదులాస్థి చేపలు, చికెన్‌, పప్పు ధాన్యాలు, జీడిపప్పు, ఓట్స్‌, పుట్టగొడుగులు, గుమ్మడి గింజలు, పాల పదార్థాలు, డార్క్‌ చాక్లెట్లను ఆహారంలో భాగంగా చేసుకుంటే జింక్‌లోపాన్ని అధిగమించవచ్చు. అలాగే, రోగనిరోధక శక్తిని పెంచుకొని, ఆరోగ్యంగా ఉండవచ్చు.