• Abhi9news,Hyderbad
  • November 25, 2020
0 Comments

ఎఫ్‌3లో కమెడియన్ సునీల్ నటించనున్నట్లు తెలుస్తోంది. ఆయన నిజంగానే నటిస్తే ఈ సినిమాలో మరింత ఫన్ ఖాయమని సినీ వర్గాలు అంటున్నాయి. దీనిపై అధికారిక సమాచారం రావాల్సి ఉంది సైడ్ ఆర్టిస్ట్‌ నుంచి స్టార్ కమెడియన్‌గా మారిన సునీల్.. ఆ తర్వాత హీరోగా అయ్యారు. మొదట్లో రెండు మూడు హిట్లు సాధించినా ఆ తర్వాత కథల ఎంపికలో అయోమయానికి గురికావడంతో వరుస ప్లాఫులు ఎదురయ్యాయి. దీంతో ఆయనతో హీరోగా అవకాశాలు సన్నగిల్లాయి. దీంతో మళ్లీ కమెడియన్‌గా యూటర్న్ తీసుకున్న సునీల్ అరవింద సమేత, అల వైకుంఠపురములో, చిత్రలహరి వంటి సినిమాల్లో నటించారు.ఆ సినిమాల్లో మంచి పేరు రావడంతో ఆర్టిస్ట్‌గా మళ్లీ బిజీ అయ్యేందుకు ప్రయత్నిస్తున్నారు. టాలీవుడ్‌లో కొత్తతరం కమెడియన్లు దూసుకుపోతుండటంతో సునీల్‌కు అంతగా అవకాశాలు రావడం లేదు. నిరాశ చెందకుండా ఏ పాత్ర అయినా సిద్ధమని సంకేతాలు ఇస్తున్నారు. ఇప్పటికే సుకుమార్ – బన్నీ కాంబినేషన్లో తెరకెక్కుతున్న ‘పుష్ప’ సినిమాలో కీలక పాత్ర కోసం ఆయన్ని తీసుకున్నట్లు సమాచారం. తాజాగా వెంకటేష్, వరుణ్‌తేజ్‌తో అనిల్ రావిపూడి తెరకెక్కించబోయే ‘ఎఫ్‌3’లో సునీల్ కనిపించబోతున్నారట. ఇద్దరు హీరోలతో కలిసి సినిమా మొత్తం సునీల్ కనిపించేలా దర్శకుడు పాత్రను మలిచినట్లు సమాచారం. ఈ వార్తే నిజమైతే సునీల్ టాలీవుడ్‌లో మళ్లీ బిజీ కావడం ఖాయం.

Share this:

Author

editer.abhi9news@gmail.com

Leave a Reply

Your email address will not be published. Required fields are marked *

error: Content is protected !!